تیسرے ٹی ٹونٹی میں کامیابی کے بعد پاکستان نے ٹی ٹونٹی رینکنگ میں اپنی چوتھی پوزیشن بچالی ہے . تفصیلات کے مطابق انگلینڈ کیخلاف ٹی ٹونٹی سیریز میں وائٹ واش کی صورت میں پاکستانی ٹیم 267 پوائنٹس کے ساتھ عالمی رینکنگ میں چوتھی سے دوسری پوزیشن پر چھلانگ لگا سکتی تھی لیکن جمعے کو پہلا مقابلہ بارش کی وجہ سے مکمل نہیں ہوسکا، اگلے دونوں میچز میں کامیابی کی صورت میں گرین شرٹس کو 265 پوائنٹس کے ساتھ تیسرا نمبر مل سکتا تھا اور انگلینڈ کو 262 پوائنٹس کیساتھ چوتھی پوزیشن پر تنزلی اختیار کرنا پڑسکتی تھی تاہم پاکستانی ٹیم 195 رنز سکور کرنے کے باوجود دوسرا میچ جیتنے میں ناکام رہی .
اب سیریز 1-1 سے برابر رہنے پر گرین شرٹس کو 261 پوائنٹس کے ساتھ چوتھے درجے پر اکتفا کرنا ہوگا جبکہ 268 پوائنٹس کے ساتھ انگلینڈ کی دوسری پوزیشن برقرار رہے گی لیکن پاکستان اگر تیسرا ٹی ٹونٹی بھی ہارتا تو اسے 257 پوائنٹس کیساتھ 5 ویں نمبر پر جانا پڑتا جب کہ انگلینڈ 273 پوائنٹس کیساتھ رینکنگ میں پہلے نمبر پر موجود آسٹریلیا سے فاصلہ مزید کم کرلے گا.اس وقت آسٹریلیا (278)، انگلینڈ (268)، بھارت(266)، پاکستان (261)، جنوبی افریقہ (258)، نیوزی لینڈ (242)، سری لنکا (230)، بنگلہ دیش(229)، ورلڈ چیمپئن ویسٹ انڈیز (229) اور افغانستان (228) ٹاپ 10 ٹیموں میں شامل ہیں. یاد رہے کہ سرفراز احمد کی قیادت میں جنوری 2018ء کے بعد 27 ماہ نمبر ون پوزیشن پر فائز رہنے والے گرین شرٹس 2019ء میں مسلسل 4 ٹی ٹونٹی سیریز ہارنے کے بعد رواں سال مئی میں پہلی سے چوتھی پوزیشن پر آگیا تھا ،اب سرفراز سکواڈ کیساتھ موجود ہیں اور 11 ماہ بعد قومی ٹیم کی نمائندگی کی ہے اور بابراعظم ٹی ٹونٹی کپتان ہیں.
کوئی تبصرے نہیں:
ایک تبصرہ شائع کریں